ឆ្នាំ​២០១៥​ គឺ​ជា​ឆ្នាំ​ដ៏​មមាញឹក​បំផុត​សម្រាប់​បេះដូង​តារា​ចម្រៀង​ស្រី​វ័យ​ក្មេង​ Selena Gomez ព្រោះ​មិន​ត្រឹម​តែ​ម្ដង​នោះ​ទេ​ដែល​នាង​ត្រលប់​ទៅ​​ត្រូវរ៉ូវ​គ្នា​​ជាមួយ​អតីត​ ​សង្សារ​ Justin Bieber ប៉ុន្តែ​នាង​ក៏​បាន​ព្យាយាម​បំភ្លេច​និង​កសាង​ស្នេហា​ថ្មី​ជាមួយ​នឹង​តារា​ ល្បី​ៗ​ជា​ច្រើន​ផង​ដែរ។

តារា​ចម្រៀង​វ័យ​២៣​ឆ្នាំ​ អាចនឹង​ផ្សារ​ភ្ជាប់​ស្នេហា​​ដំបូង​របស់​នាង​ ​គឺ​Justin Bieber តែ​​តារា​ចម្រៀង​វ័យ​២១​ឆ្នាំ​ក៏​មិន​មែន​ជា​បុរស​តែ​ម្នាក់​សម្រាប់​នាង​ តទៅ​ទៀត​ដែរ​ ព្រោះ​ក្នុង​រយៈ​ពេល​តែ​មួយ​ឆ្នាំ​គឺ​ឆ្នាំ​២០១៥នេះ​ Selena បាន​បង្កើត​ទំនាក់ទំនង​ផ្អែមល្ហែម​ជាមួយ​បុរស​​ល្បី​ក្នុង​រង្វង់​សិល្បៈ​ជា ​ច្រើន​ ហើយ​សុទ្ធ​តែ​មាន​រូប​ភាព​អាច​យក​មក​បញ្ជាក់អះអាង​ឬ​ជា​ភស្ដុតាង​​បាន​។

ចំពោះ​ស្នេហា​រវាង​ Selena និង Justin មិន​មែន​ជា​រឿង​អាថ៌កំបាំង​នោះ​ទេ​ តែ​គ្រាន់​តែ​ផ្ដើម​ឆ្នាំ​២០១៥ ​ភ្លាម​ក៏​មាន​បុរស​ជា​ច្រើន​ទៀត​ដែរ​ដែល​បាន​ដើរ​ចូល​​មក​ក្នុង​ជីវិត​របស់ ​នាង​ដូច​ជា​ Nick Jonas, Orlando Bloom និង Zedd តែ​ទំនាក់ទំនង​នោះ​បាន​ត្រឹម​តែ​រយៈ​ពេល​ខ្លី​ប៉ុណ្ណោះ​។តែ​រឿង​ដែល​គួរ​ឱ្យ ​ចាប់​អារម្មណ៍​គឺ​ នៅ​ពេល​ Selena ជាមួយ​ Orlando ដើរ​លេង​និង​ញ៉ាំ​អាហារ​ជាមួយ​គ្នា​ ក៏​​មាន​លេច​ឮ​ព័ត៌មាន​ថា​ Justin ក៏​មាន​ស្នេហា​ជាមួយ​អតីត​ប្រពន្ធ​ Orlando  នាង​ Miranda Kerr ដូច​គ្នា​។

នៅ​មិន​អស់​ប៉ុណ្ណេះ​ទេ​​ព្រោះ​​ Selena នៅ​មាន​បុរស​សង្ហា​ជា​ច្រើន​ទៀត​ដែល​បាន​ចូល​ខ្លួន​មក​ព្យាបាល​របួស​បេះដូង​ នាង​ផង​ដែរ​ដូច​ជា​ Tom Wilson, Chris Evans ​និង​ Zayn Malik ជា​ដើម​ទៀត​។ ប៉ុន្តែ​នៅ​មិន​ទាន់​អស់​ត្រឹម​ប៉ុណ្ណឹង​ទេ​ ព្រោះ​មាន​អ្នក​គាំទ្រ​ជា​ច្រើន​បាន​ជម្រុញ​ឱ្យ​នាង​សេពគប់​ជាមួយ​កូន​ប្រុស ​តារា​បាល់ទាត់​ល្បី​ល្បាញ​ Devid Beckham គឺ​ Brooklyn Beckham បន្ទាប់ពី​បុរស​វ័យ​ជំទង់​រូប​នេះ​បាន​បង្ហើប​ឱ្យ​ដឹង​ថា​គេ​ឈ្លក់វ​ង្វេង​ នឹង​ Selena។

ទោះ​ជា​មាន​ព័ត៌មាន​ស្នេហា​ជាមួយ​បុរស​ជា​ច្រើន​ក្ដី​ប៉ុន្តែ​បច្ចុប្បន្ន​ នេះ​ Selena កំពុង​តែ​មាន​ទំនាក់ទំនង​យ៉ាង​ស្អិត​រមួត​ជាមួយ​ Nial ក្រោយ​ពី​អ្នក​ទាំង​ពីរ​មាន​ឱកាស​បាន​សម្ដែង​បទ​ចម្រៀង​ “Carpool Karaoke” ជាមួយ​គ្នា​។ ប៉ុន្តែ​ឆ្នាំ​២០១៥ ​នៅ​មិន​ទាន់​ដាច់​ ក្នុង​រវាង​ប៉ុន្មាន​ថ្ងៃ​នេះ​ ​Selena អាច​នឹង​មាន​ស្នេហា​ថ្មី​ណាមួយ​ទៀត​ក៏​​អាច​ថា​បាន​ អ្នក​ណា​ទៅដឹង​ ?

ប្រភព៖ hollywoodlife.com , bizkhmer